-
-
-
-
काठमाडौं । इंगल्याण्डकी प्रधानमन्त्री टेरेसा मेले विश्वासको मत जितेकी छिन् । आफ्नै पार्टी कन्जरभेटिभ पार्टीका ४८ सांसदले उनीविरुद्ध अविश्वासको प्रस्तावको माग गरेपछि उनले डटेर सामना गर्दै ६३ प्रतिशत मत प्राप्त गरेकी हुन् ।
बुधबार राति भएको मतदानमा ११७ को बदलामा मेले २०० मत पाइन् । यो नतिजासंगै मेले अब पार्टीको नेतृत्व कम्तीमा एक वर्ष सम्हाल्न पाउने छिन् ।
मेले नयाँ प्रधानमन्त्री आएसँगै ब्रेक्जिटमा ढिलाइ हुने वा रोकिने चेतावनी दिएकी थिइन् । उनको ब्रेक्जिटको सम्झौतामा असन्तुष्ट रहेका नेताहरुको तर्फबाट अविश्वासको प्रस्ताव आएको हो ।
यो नतिजासंगै मेको लक्ष्य स्पष्ट भएको छ । मतदानमा मेले हार बेहोरेको भए नयाँ प्रधानमन्त्री चयन हुने थियो ।
जितपछि मेले ब्रेक्जिट सम्झौतामा आफ्नो निर्णय चाहनेहरुले आफूलाई भोट दिएको प्रतिक्रिया दिएकी छिन् । यद्यपि उनले विपक्षीहरुको कुरा पनि सुन्ने बताएकी छिन् ।
