पाल्पा । पाल्पाको रामपुर नगरपालिका ४ सदावर्तस्थित जलदेविस्थानमा धारिलो हतियार प्रयोग गरी एक जनाको विभत्स हत्या भएको छ ।
रामपुर नगरपालिका ४ जलदेविस्थानका अन्दाजी ५५ वर्षका भलबहादुर कुमाल (गठ्ठे कुमाल) को घाँटीमा छ्यिा छ्यिा हुने गरी धारिलो हतियार प्रयोग गरी हत्या भएको हो ।
फरार भएका सोही स्थानका छिमेकी वर्ष ४० का मनोज थापालाई नियन्त्रणमा लिइएको पाल्पा प्रहरी प्रमुख विश्वमणी पोखरेलले बताए ।
सदरमुकामदेखि ७० किलोमिटर टाढाको घटना भएकाले पक्राउ परेका थापालाई जिल्ला लैजान थालिएको छ ।
अनुसन्धान शुरु भएको जिल्ला प्रहरी कार्यालय पाल्पाका प्रमुख एसपी पोखरेलले जानकारी दिए । घटनाबारे थप अनुशन्धान गर्न जिल्लाबाट डिएसपी विनोद घिमिरेको टोली घटनास्थल आइपुगेको छ ।
घटना आईतबार राति साढे ८ बजेतिर भएको हो । दिनभर गिटि वालुवाको मिस्री काम गरेर खाने कुमालको हत्या साँझ खाने क्रममा भएको प्रहरीको प्रारम्भिक अनुसन्धानबाट खुलेको प्रहरीले जनाएको छ ।
रिसिइबि तथा झैझगडा हुँदा घटना भएको हुन सक्ने प्रहरीको भनाई छ ।
