बिजुक्छे भन्छन् – नेपाललाई फसाउने षडयन्त्र भइरहेको छ

प्रकाशित २०७५ माघ १ मंगलबार

भक्तपुर । नेपाल मजदूर किसान पार्टीका अध्यक्ष नारायणमान बिजुक्छेले विभिन्न बहानामा नेपाललाई फसाउने षडयन्त्र भइरहेको बताएका छन् । देकाचामा सोमबार भक्तपुर नगरपालिकाको चौथो नगरसभामा उनले नेपाललाई फसाउने षडयन्त्रप्रति सरकार सचेत हुनुपर्ने बताए ।

यसैबीच भक्तपुर नगरपालिकाले आव २०७५–७६ को साउनदेखि मङ्सिरसम्म आन्तरिकतर्फ रु १७ करोड ९७ लाख ५९ हजार राजश्व सङ्कलन गरेको छ । नगरसभामा नगरपालिकाका प्रमुख सुनील प्रजापतिले आव २०७४–७५ को सोही अवधिमा रु १३ करोड ९९ लाख ४३ हजार राजश्व सङ्कलन गरेकामा चालू आवमा २८.४५ प्रतिशतले राजश्व वृद्धि भएको जानकारी दिए ।

नगरपालिकाले आव २०७५–७६ मा ४१ नगरस्तरीय योजनाका लागि रु ३६ करोड ५१ लाख २३ हजार रकम विनियोजन गरेकामा ५० प्रतिशतसम्म निर्माण सम्पन्न भएको जनाएको छ ।