-
-
-
-
कञ्चनपुर । अख्तियार दुरुपयोग अनुसन्धान आयोगले साठी हजार घुस सहित बेलौरी नगरपालिकाका सवईन्जिनियर हृदयराज बजगाईलाई रंगेहात पक्राउ गरेको छ ।
आइतबार उनलाई बेलौरी नगरपालिका कार्यालयबाटै सेवाग्राहीबाट रकम लिईरहेको अवस्थामा अख्तियार दुरुपयोग अनुसन्धान आयोगको कार्यालय कञ्चनपुरको टोलीले पक्राउ गरेको हो ।
अख्तियार दुरुपयोग अनुसन्धान आयोग कञ्चनपुरका प्रवक्ता राजन नेपालले बेलौरी नगरपालिका वडा नम्बर ४ र ६ जोड्ने कल्भट निर्माणमा घुस मागेका सवईन्जिनियर बजगाईलाई कार्यालयबाटै पक्राउ गरिएको बताए ।
घुससहित पक्राउ परेका बजगाई बिरुद्ध अख्तियारले थप अनुसन्धान गरेर कार्बाहीका लागि अघि प्रकृया अघि बढाएको जनाएको छ ।
