जेठी हुँदाहुदैं कान्छी हुन आउने र ल्याउने दुवै प्रहरी खोरमा
जितेन्द्र भण्डारी,
प्रकाशित २०७५ फागुन ५ आइतबार
340
Shares
पाँचथर । घरमा जेठी श्रीमती हुँदाहुदैं कान्छी श्रीमती बिवाह गर्ने र कान्छी श्रीमती बन्न आउने जोडीलाई पाँचथर प्रहरीले पक्राउ गरेको छ ।
भोजपुरको साल्पासिलिछो गाउँपालिका–६ घर भएका २५ वर्षीय शक्ति थुलुङ र कान्छी श्रीमति बन्न आउने पाँचथरको फालेलुङ गाउपालिका–८, याङनामकी २९ वर्षीय सम्झाना जवेगु पक्राउ परेका हुन् ।
आफु सवल र सक्षम श्रीमती हुदाहंदै श्रीमानले कान्छी श्रीमती भित्राएकोले कानुन वमोजिम निजलाई पक्राउ गरि आवश्यक कारबाहिको माग गर्दै थुलुङका जेठी श्रीमती सोमिला राईले पाँचथर प्रहरीमा जाहेरी दिएकी थिइन् । जेठी श्रीमती राईको जाहेरीका आधारमा ती जोडीलाई फागुन ३ गते जिल्ला प्रहरी कार्यालय पाँचथर र याङनाम प्रहरीको टोलिले पक्राउ गरेका हुन् ।
पक्राउ परेका जोडीलाई जिल्ला अदालत पाँचथरमा बहुविबाहको मुद्दामा म्याद लिई थप अनुसन्धान भईरहेको जिल्ला प्रहरी कार्यालय पाँचथरका प्रहरी निरिक्षक अनिलकुमार पौडेलले वताए।
