काठमाडौं । च्याम्पियन्स लिग फुटबल अन्तर्गत राउन्ड अफ १६ को पहिलो लेगमा क्रिस्टियानो रोनाल्डोको इटालियन क्लब युभेन्टस पराजित भएको छ ।
युभेन्टसलाई स्पेनिश क्लब एट्लेटिको मड्रिडले २–० गोल अन्तरले पराजित गरेको हो ।
एट्लेटिकोको घरेलु मैदानमा भएको खेलमा युभेन्टसले सुरुवाती अवसर सिर्जना गरे पनि त्यसलाई सदुपयोग गर्न नसक्दा हार बेहोरेको हो । रोनाल्डो खेलभरमा फ्लप भएका छन् ।
उनको उत्कृष्ट फ्रिकिक प्रहार पनि खेर गएको थियो । उनी सुरुवातमै आग्रता लिन प्रयासरत थिए । तर असफल भए ।
त्यसको ५ मिनेटमा नै कप्तान डिएगो गोडिनले गोल गर्दै अग्रता दोब्बर पारे ।
उनको प्रहार रोनाल्डोलाई लाग्दै गोलमा परिणत भएको थियो । त्यसअघि अल्भारो मोराटले खेल बराबरीमा रहँदा गरेको गोल भिडियो असिस्टेन्ट रेफ्रीले मान्यता दिएको थिएन ।
यस नतिजासँगै एथ्लेटिकोले घरेलु मैदानमा च्याम्पियन्स लिगको नकआउट खेलमा अपराजित यात्रा कायमै राखेको छ ।
युभेन्टसले एथ्लेटिकोविरुद्ध च्याम्पियन्स लिगको खेलमा गोल गर्न सकेको छैन । दोस्रो लेग मार्च १२ मा युभेन्टसको घरेलु मैदानमा हुनेछ ।
पहिलो लेगको हारले युभेन्टस दवावमा छ । उसले कम्तिमा ३ गोल अन्तरले घरेलु मैदानमा खेल जितेमात्र क्वाटरफाइनलमा पुग्नेछ ।
