काठमाडौं उपत्यकाभित्रका तीन र बाहिरका तीन गरी ६ वटा सम्पदा बस्ती पुनर्निर्माणका लागि यस आर्थिक वर्षभित्र प्रत्येक बस्तीका लागि ५ करोड रुपैयाँका दरले ३० करोड बजेट निकासा गरिएको हो।  साथै प्रत्येक बस्तीका लागि २० लाखका दरले अध्ययनका लागि भन्दै कूल १ करोड २० लाख बजेट बिनियोजन भएको छ। 

काठमाडौं उपत्यकाभित्रका खोकना (ललितपुर), बुङमती (ललितपुर) र साँखु (काठमाडौं) का परम्परागत सम्पदा बस्तीका स्मारक, पाटी, धारा तथा अन्य संरचना पुनर्निर्माणका लागि बजेट विनियोजन भएको राष्ट्रिय पुनर्निर्माण प्राधिकरण केन्द्रीय आयोजना कार्यान्वयन इकाई (भवन)का आयोजना निर्देशक नवराज प्याकुरेलले जानकारी दिए। 

ललितपुरको बुंगमति जहा महाअभियान सुरु गरेको तीनबर्षपछि अध्ययन र पुर्णनिर्माणका लागि भन्दै बजेट बिनियोजन भएको छ। भुकम्प लगत्तै महाअभियान सुरु गरेका यी बस्तीमा पुर्णनिमाणका काम थाल्ने कता हो कता फेरी अध्ययन गर्ने नाममा एक करोड भन्दा बढी खर्चने तयारीमा प्राधिकरण रहेको छ।

प्रधानमन्त्री केपी ओलीले महाअभियान सुरु गरेको तीन बर्ष बित्दा पनि बुंगमतिमा सम्पदा बस्ति पुर्णनिमार्ण गर्ने त कता हो कता अध्ययन थाल्दैछ। यसैगरी, आयोजना निर्देशक प्याकुरेलका अनुसार उपत्यकाबाहिर नुवाकोटको साततले दरबार स्क्वायर परिसर, गोरखाको गोरखा दरबार स्क्वायर तथा दोलखाको दोलखा बजार पनि यस कार्यक्रममा समेटिएका छन्।

‘यी सम्पदा बस्तीका परम्परागत स्मारक,पाटी, धारा तथा अन्य पूर्वाधार पुनर्निर्माणमा बजेट खर्च हुनेछ। यसबाट बिभिन्न क्षेत्रका मौलिक सम्पदाको संरक्षण संगै आन्तरिक तथा बाह्य पर्यटन प्रबद्र्धन भई जीविकोपार्जनमा पनि टेवा पुग्ने प्याकुरेलको  धारणा छ। त्यसैगरी, भूकम्पबाट क्षतिग्रस्त सातवटा विश्व सम्पदा सूचीमा परेका क्षेत्रहरुको संरक्षण तथा विकास कार्यको अध्ययन तथा विकास कार्यका लागि पनि अलग्गै ३० करोड नै बजेट विनियोजन गरिएको छ।  

यस कार्यक्रम अन्तर्गत प्रत्येक क्षेत्रको अध्ययनका लागि २० लाख र विकास कार्यका लागि यस आर्थिक वर्षभित्र ५ करोड बजेट परिचालन हुनेछ। यस कार्यक्रमअन्तर्गत पशुपति क्षेत्र, चांगुनारायण मन्दिर क्षेत्र, स्वयम्भुनाथ क्षेत्र र बौद्ध स्तुपा क्षेत्रको विकास कार्य हुनेछ। त्यसैगरी, उपत्यकाका तीन जिल्लाहरु भक्तपुर, ललितपुर र काठमाडौंका दरबार स्क्वायरहरुको संरक्षण र संबद्र्धन गरिने जनाइएको छ।

केन्द्रीय आयोजना कार्यान्वयन इकाई (भवन)का आयोजना निर्देशक नवराज प्याकुरेलले अध्ययन कार्य तुरुन्तै प्रारम्भ हुने र अध्ययनको प्रतिवेदनलगत्तै निर्माण कार्य सुरु हुने जानकारी दिएका छन।