गुल्मी। नेपाली कांग्रेस गुल्मीले ऐतिहासिक प्रथम जिल्ला सम्मेलनको तयारीलाई तिव्रता दिएको छ । गुल्मी कांग्रेसले यहि चैत्र १६ र १७ गते भव्यताका साथ जिल्ला सम्मेलन गर्न लागेको हो । यसअघि गर्ने भनिएको सम्मेलन पार्टीको महासमिति बैठकका कारण केन्द्रीय नेताहरुको अनुपस्थित हुने देखिएपछि स्थगीत भएको नेपाली कांग्रेस गुल्मीले जनाएको छ । ऐतिहासिक प्रथम जिल्ला सम्मेलनलाई निकै महत्व र चसोको रुपमा हेरिएको, सम्मेलनबाट सिङ्गो कांग्रेसलाई अझ मजबुत र एकतामा ल्याउन राष्ट्रिय रुपमै सन्देश प्रवाह हुने बताईएको छ ।

पार्टीको विधान अनुसार प्रत्येक वर्ष जिल्ला सम्मेलन गर्ने व्यवस्था भएता पनि विभिन्न प्राविधिक कारणहरुले हुन नसकेको बताउँदै अहिले गुल्मी कांग्रेसले ऐतिहासिक रुपमा प्रथम जिल्ला सम्मेलन गर्न लागेको पार्टी सभापति भुवनप्रसाद श्रेष्ठले बताए । उनले पार्टी सङ्गठनलाई जिल्लादेखि गाउँ र स्थानीय तहसम्म पार्टी सङ्गठनलाई बलियो र सशक्तढङ्गले अगाडि बढाउने, कार्यकर्तालाई प्रशिक्षण दिने, वर्तमान सरकारले गरेका ज्यादतीको भण्डाफोर गर्ने, कांग्रेसको पक्षमा उभिएको जनलहरको शक्रि प्रदर्शन गर्ने उदेश्य रहेको भन्दै पार्टालाई आगामी दिनहरुमा कसरी अगाडि बढाउन कस्तो खालको रणनीति बनाउँने जस्ताकुराहरु जिल्ला सम्मेलनबाट तयार गर्ने सभापति श्रेष्ठले बताए ।

गत फागुन २२ गते बसेको जिल्ला कार्य समितिको २७ औं बैठकको निर्णय अनुसार यहि चैत्र १६ र १७ गते हुन लागेको ऐतिहासिक प्रथम जिल्ला सम्मेलनको तयारीको लागि जिल्लाका १२ वटै स्थानमा पालिका स्तरीय भेला राखिएको नेपाली कांग्रेस गुल्मीका सचिव खिलध्वज पन्थीले जानकारी दिए।

ऐतिहासिक जिल्ला सम्मेलनलाई कांग्रेस सभापति तथा पूर्व प्रधानमन्त्री शेरबहादुर देउवा, वरिष्ठ नेता रामचन्द्र पौडेल, महामन्त्री शंशाक कोइरला, केन्द्रीय सदस्य तथा पार्टी प्रवक्ता विश्वप्रकाश शर्मा, केन्द्रीय सदस्य डा.चन्द्र भण्डारी, केन्द्रीय सदस्य गगन थापा, गुरु घिमिरे लगायतका केन्द्रीय नेताहरुले सम्बोधन गर्ने पार्टी सूचना तथा सञ्चार विभाग प्रमुख विष्णु कुमारी सापकोटाले जानकारी दिए।

पालिका स्तरीय भेला
नेपाली कांग्रेस गुल्मीले पालिका स्तरीय भेला सम्पन्न गरेको छ । जिल्लामा रहेका १२ वटै स्थानीय तहमा पालिका स्तरीय भेला सम्पन्न गरेको हो । ऐतिहासिक प्रथम जिल्ला सम्मेलनको तयारीको लागि जिल्लाका गाउँपालिका तथा नगरपालिकामा भेलाको अयोजना गरिएको पार्टी उप–सभापति विष्णुप्रसाद बलालले जानकारी दिए।

ऐतिहासिक प्रथम जिल्ला सम्मेलनलाई भव्य रुपमा सम्पन्न गर्नको लागि नेपाली कांग्रेस गुल्मीले जिल्लाका १२ वटै स्थानीय तहमा जिल्लास्तरीय नेताहरुलाई प्रतिनिधको रुपमा खटाएको हो थियो । चैत्र १ गते जिल्लाको रुरु गाउँपालिकामा पालिका स्तरीय भेला सम्पन्न भएको हो । रुरु गाउँपालिकामा प्रतिनिधिको रुपमा सचिव खिलध्वज पन्थी त्यहाँ पुग्नुभएको थियो । चैत्र २ गते विभिन्न गाउँपालिका तथा नगरपालिकामा पालिका स्तरीय भेला सम्पन्न भएको हो ।

जसमा धुर्काेट गाउँपालिकामा प्रतिनिधिको रुपमा सभापति भुवनप्रसाद श्रेष्ठ स्वयम आफैं पुग्नुभएको हो । त्यस्तै छत्रकोट गाउँपालिकामा उप–सभापति विष्णुप्रसाद बलाल, रेसुङ्गा नगरपालिकामा सचिव खिलध्वज पन्थी, मदाने गाउँपालिकामा सचिव विष्णु कुमारी सापकोटा, चन्द्रकोट गाउँपालिकामा श्रीप्रसाद भलामी, प्रतिनिधिको रुपमा पुगेका थिए । ईस्मा गाउँपालिकामा जिल्ला सदस्य नारायण रिजाल, गुल्मी दरबार गाउँपालिकामा जिल्ला सदस्य झविन्द्र विश्वकर्मा प्रतिनिधिको रुपमा जाएका थिए ।

जिल्लाको मुसिकोट नगरपालिकामा पार्टीले प्रतिनिधिको रुपमा महासमिति सदस्य तथा जिल्ला सदस्य छन्दबहादुर पहराई, कालिगण्डकी गाउँपालिकामा जिल्ला सदस्य अनन्तराम पौडेल, सत्यवती गाउँपालिकामा सह–सचिव गोपालप्रसाद पाण्डेय, मालिका गाउँपालिकामा जिल्ला सदस्य चन्द्रबहादुर महतलाई खटाएको छ । मुसिकोट नगरपालिकामा चैत्र ९ गते, कालिगण्डकी गाउँपालिकामा ४ गते, सत्यवती गाउँपालिकामा ९ गते र मालिका गाउँपालिकामा ९ गते भेला हुने बताइएको छ ।