लिखुकाका वडा सदस्य माथि १६ बर्षीया युवती करणीको उजुरी

जीवन शर्मा, प्रकाशित मिति : २०७५ चैत १० आइतबार

ओखलढुंडा । ओखलढुंगाको लिखु गाउपालिका वडा नम्बर ३  नर्मदेश्वरका वडा सदस्य ५५ बर्षीय बिष्णु कुमार श्रेष्ठमाथि बलात्कारको उजुरी परेको छ । वडा सदस्य श्रेष्ठले सञ्चालन गरेको ईट्टा भट्टमा काम गर्दै आएकी स्थानीय १६ बर्षीया एक युवतीलाई जवरजस्ती बलात्कार गरेको आरोपमा आज जिल्ला प्रहरी कार्यालयमा उजुरी दर्ता भएको हो ।

बलात्कारको आरोप लागेका वडा सदस्य श्रेष्ठले चैत्र ७ गते ईट्टा भट्टमै जवरजस्ती बलत्कार गरेको उजुरी प्रहरीमा दर्ता भएपछि उनि फरार रहेको प्रहरीले जनाएको छ । जिल्ला प्रहरी कार्यालय ओखलढुंगाका प्रहरी नायव उपरिक्षक पुष्पराज मल्लका अनुसार फरार भएका श्रेष्ठको खोजीकार्य जारी रहेको छ ।  उनि धेरै दिन भाग्न नसक्ने मल्लले बताए ।  

युवती बलात्कारको उजुरी वडापालिका र जिल्ला प्रहरीमा परेपछि प्रहरीले अनुसन्धान सुरु गरेको छ । ओखलढुंगा प्रहरीले पीडित युवतीसहित वडा सदस्य श्रेष्ठका परिवार र वडा अध्यक्षलाई जिल्लामा झिएकार बयान लिएको छ । बयानमा पीडक भनिएका श्रेष्ठका परिवारले उनी सम्पर्कमा नरहेको बताए । जिल्ला प्रहरी कार्यलय ओखलढुंगाका प्रहरी निरीक्षक राजिव श्रेष्ठले पनि श्रेष्ठ सम्पर्क विहीन भएकाले खोजीकार्य भइरहेको बताए ।

 पीडित युवतीले ईट्टा भट्टामा दिउसो सुतिरहेको समयमा वडा सदस्य श्रेष्ठ आएर बलात्कार गरेको प्रहरीमा बयान दिएकी छन् । उनि आफ्नै श्रीमान संगै सोही ईट्टा भट्टमा काम गर्दै आएपनि श्रीमानलाई सामान लिन पठाएर श्रेष्ठले जवरजस्ती करणी गरेको स्थानीयहरुको भनाइ छ ।

पडितको बयान तथा जाहेरीका आधारमा श्रेष्ठलाई प्रहरीले फरार सुचीमा राखी खोजबिन गरिरहेको छ युवतीको स्वास्थ्य परिक्षणका गरी आवश्यक कारवाही अघि बढाइएको प्रनि श्रेष्ठको भनाइ छ । युवतीको डिएनए रिपोर्ट सर्वाजनिक भएपछि घटनाको तथ्य अझै बाहिर आउने प्रहरीको दाबी गरेको छ । जिल्लामा वडा सदस्यबाटै युवती बलात्कारको घटना बाहिर आएपछि राजनितिक रुपमै हलचल मच्चिएको छ ।

श्रेष्ठ स्थानिय तहको निर्वाचनमा नेकपाबाट वडा सदस्य निर्वाचित भएका थिए । बलत्कारको आरोप लागेका श्रेष्ठलाई कारवाहीको सट्ट मिलापत्र गर्नका लागि नेताहरु समेत दौडधुप गरिरहेका छन् । राजनीतिक शक्ति केन्द्र प्रयोग गरी उनलाई भगाएर पिडित पक्षलाई मिल्नका लागि दवाव आइरहेको स्थानीयहरु बताउन् । बाहिरी हल्ला मिलाउनका लागि प्रयास भैरहेको जानकारी आएपनि आफुसंग त्यस्तो अनुरोध कहीबाट नभएको र यस्ता घटनाका अभियोगिलाई कुनैपनि हालतमा कारवाही हुने जिल्ला प्रहरी कार्यालय ओखलढुंगाले जनाएको छ ।

 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ