बालकको मृत्युपछि आफन्तले अस्पतालमा होहल्ला गरेको भन्दै छ जना पक्राउ, पीडित बाबुको हारगुहार

प्रकाशित मिति : २०७६ जेठ १७ शुक्रबार

चितवन । भरतपुर अस्पतालमा उपचारका क्रममा बालकको मृत्युपछि होहल्ला गर्ने छ जनालाई प्रहरीले पक्राउ गरेको छ । मृत्यु हुनेमा रौतहट जिल्ला चन्द्रपुर नगरपालिका–५ बस्ने प्रकाश बस्नेतका १४ महीनाका छोरा हुन् । 

निमोनियाका कारण उपचारका लागि जेठ १४ गते भरतपुर अस्पताल ल्याइएका बालकको उपचारका क्रममा बिहीबार साँझ मृत्यु भएको थियो । 
    
बालकले आमाको दूध खाने समयमा दूध सर्किएर मृत्यु भएको अस्पतालले जनाएको छ । बालकको मृत्युपछि बालकका आफन्त र सर्वसाधारण चिकित्सकको लापरवाहीका कारण मृत्यु भएको भन्दै आक्रोशित बनेका थिए । 

आक्रोशित भीडलाई नियन्त्रणमा लिने क्रममा बिहीबार साँझ प्रहरीले सामाजिक अभियन्ता अर्जुन भुसालसहित छ जनालाई नियन्त्रणमा लिएको प्रहरी नायब उपरीक्षक दुर्गाराज रेग्मीले जानकारी दिए । 

पीडित बाबु प्रकाशले भने चिकित्सकको लापरबाहीका कारण छोराको मृत्यु भएको आरोप लगाएका छन् । उनले आफ्नो छोरालाई किन यस्तो गरेको भनी प्रश्न गर्दा प्रहरी बोलाएर आफ्ना ८ जना आफन्तलाई प्रहरीले लगेको बताएका छन् । 

पीडित बाबुले भनेका छन्, ‘लास लैजा भनेर पुलिसको फोर्स युज गरेर तनाव दिएको छ । मलाई सघाउनुस् ।’   

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ