- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्व टेष्ट च्याम्पियनसिप क्रिकेट अन्तर्गतको चौथा चौथो टेष्ट क्रिेटमा अष्ट्रेलियाले इंगल्याण्डलाई १ सय ८५ रनको फराकिलो अन्तरले हराएको छ । यो जितपछि अष्ट्रेलियाले एसेज सिरिजमा २–१ को अग्रता लिएको छ ।
ओल्ड ट्राफोर्डमा भएको चौथो खेलमा ३८३ रनको लक्ष्य लिएर मैदानमा उत्रिएको इंगल्याण्डले १९७ रन बनाउँदै अलआउट भएको थियो ।
जो डेन्लीले सबैभन्दा धेरै ५३ रन बनाएको इनिङमा तिव्र गतिका बलर प्याट कमिन्सले ४३ रन दिएर ४ विकेट लिए ।
अष्ट्रेलियाले पहिलो इनिङमा ८ विकेट गुमाएर ४ सय ९७ रन बनाएर इनिङ समाप्तिको घोषणा गरेको थियो ।
स्टिभन स्मिथले २११ रन बनाएका थिए । जवाफमा इंगल्याण्डले ३ सय १ रन बनाएको थियो ।
पहिलो इनिङमा १९६ रनले अग्रता लिएको अष्ट्रेलियाले दोस्रो इनिङमा ६ विकेटको नोक्सानीमा १८६ रन बनाउँदै ३८३ रनको विजयी लक्ष्य दिएको थियो ।
यो इनिङमा पनि सर्वाधिक रन स्मिथकै ब्याटबाट भएको थियो । उनले ९२ रन बनाएका थिए । स्मिथ चौथो टेष्टको म्यान अफ दी म्याच चुनिए ।
स्मिथले लगातार सतक बनाउँदै टेष्ट खेलाडीको नम्बर एकमा लामो समयसम्म रहने लक्षण ल्याएका छन् ।
दोहोरो सतकअघि नै उनले टेष्ट वरियतामा भारतीय कप्तान विराट कोहलीलाई उछिनेका थिए ।
अब पाँचौं टेष्ट निर्णायक हुनेछ । उक्त खेलमा इंगल्याण्डले जित निकाल्न नसके सिरिज अष्ट्रेलियाले जित्नेछ । सिरिजमा अग्रता लिएपछि आइतबार राति अष्ट्रेलियाले पार्टी गरेको छ ।
अन्तिम खेल बिहीबारदेखि लण्डनमा हुनेछ ।