आप्रवासी कामदारको विषयमा छलफल गर्न आयोगको टोली कतार प्रस्थान

प्रकाशित मिति : २०७२ कार्तिक २८ शनिबार
काठमाडौँ। आप्रवासी कामदारको विषयमा छलफल गर्न राष्ट्रिय मानव अधिकार आयोगको एक प्रतिनिधिमण्डल आज कतार प्रस्थान गरेको छ । आयोगका अध्यक्ष अनुपकुमार शर्माको नेतृत्वमा रहेको तीन सदस्यीय टोली आज कतार प्रस्थान गरेको हो । 
 
आयोगले आज जारी गरेको विज्ञप्तिअनुसार त्यहाँ रहँदा प्रतिनिधिमण्डलले कतारको राष्ट्रिय मानव अधिकार समितिका अध्यक्षसँग भेटघाट तथा छलफल गर्नेछ । यस्तै कतारस्थित आप्रवासी नेपाली कामदारको मानवअधिकार संरक्षण तथा सम्बद्र्धनका लागि आवश्यक पहल गर्नेछ । 
 
भ्रमणका क्रममा आप्रवासी कामदारको सम्बन्धमा दुई आयोगबीच सहकार्य, समन्वय र सूचना आदानप्रदानका विषयमा छलफल हुने आयोगले जनाएको छ । 
 
आयोगका कायम मुकायम सचिव वेदप्रसाद भट्टराईले जारी गर्नुभएको विज्ञप्तिअनुसार भ्रमणमा दुई पक्षीय मानव अधिकारको चासो तथा आपसी हितका विषयमा छलफल हुनेछ । प्रतिनिधिमण्डल आगामी मङ्सिर १ गते स्वदेश फर्कनेछ । रासस 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ