-
-
-
-
काठमाडौं । कोरोना भाइरसबाट सबैभन्दा संक्रमित अमेरिकाले गत मार्चदेखि हरेक दिन सबैभन्दा बढी संक्रमित र सबैभन्दा बढी मृतकको कीर्तिमान राखिरहेको छ ।
अहिलेसम्म १६ लाख ६६ हजार ८२८ जना संक्रमित भएका छन् । जहाँ मृतकको संख्या ९८ हजार ६८३ जनाको ज्यान गएको छ ।
४ लाख ४६ हजार ७८४ जनालाई मात्र निको भएको छ ।
शनिबार २२ हजारको हाराहारीमा संक्रमित थपिएका छन् । १ हजार ३६ जना नयाँ मृतक थपिएका छन् ।
सबैभन्दा बढी संक्रमित न्यूयोर्कमा भएका छन् । न्यूयोर्कमा ३ लाख ६९ हजार ६५६ जना संक्रमित भएका छन् । २९ हजार ११२ जनाको ज्यान गएको छ ।
पहिलो पटक शनिबार न्यूयोर्कमा १०० भन्दा कमको ज्यान गएको छ । शनिबार ८४ जनाको मात्र ज्यान गएको बीबीसीले लेखेको छ ।
गएको मार्च अन्तिमदेखि निरन्तर सय भन्दा बढीको ज्यान गएकोमा शनिबार पहिलो पटक त्योभन्दा कमको ज्यान गएको हो ।
गभर्नर एन्ड्रयु क्युमोले अघिल्लो दिन १०९ जनाको ज्यान गएको बताए । उनले सधै सय भन्दा कम गर्न कहिले सकिएला भनेर सोच्ने गरेको पनि बताए ।
उनले सय भन्दा कम हुँदै जानु पनि सुधारको संकेत भएको बताएका छन् ।
शनिबार सबैभन्दा बढी न्यूजर्सीमा ९७ जनाको ज्यान गएको छ । न्यूजर्सीमा १ लाख ५४ हजार ७१३ जना संक्रमित भएका छन् ।
