- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्वका युरोपेली अन्य मुलुकहरुमा कोरोनाको संक्रमण कमजोर बन्दै जाँदा ब्रजिल र रुसमा भने रोकिने लक्षण आएको छैन ।
पछिल्लो डेढ महिनादेखि निरन्तर उच्च गतिमा संक्रमित थपिएपछि ब्रजिल दोस्रो र रुस तेस्रो स्थानमा पुगेका छन् ।
ब्रजिलमा अहिले दैनिक १५ हजारको हाराहारीमा र रुसमा ९ हजारको हाराहारीमा संक्रमित थपिँदै आएका छन् ।
पछिल्लो २४ घण्टामा ब्रजिलमा १५ हजार ६९१ जना संक्रमित थपिएका छन् । योसंगै ब्रजिलमा संक्रमित ३ लाख ९२ हजार ३६० पुगेका छन् ।
मृतकको संख्या १ हजार २७ जना नयाँ थपिएर २४ हजार ५४९ पुगेको छ । पहिलो पटक ब्रजिलमा मृतक एकैदिन सबैभन्दा बढी भएका हुन् ।
ब्रजिलले अमेरिकालाई पनि उछिनेको छ ।
त्यसैगरी रुस तेस्रो स्थानमा छ । रुसमा अहिलेसम्म ३ लाख ६२ हजार ३४२ संक्रमित पुगेका छन् । २४ घण्टामा ८ हजार ९१५ जना नयाँ संक्रमित थपिएका छन् ।
रुसमा मृतकको संख्या ३ हजार ८०७ पुगेको छ । पछिल्लो २४ घण्टामा १७४ नयाँ संक्रमित थपिएका हुन् ।