साउदीमा लकडाउन खुकुलो गरेकै दिन नयाँ संक्रमित कमी, बिहीबारै ३ हजार बढी उपचारपछि घर फर्किए

साउदीमा संक्रमित ८० हजार, मृतक ४४१

अरशद शेष राई

प्रकाशित २०७७ जेठ १५ बिहिबार

साउदी अरेबिया। साउदी अरेबियाले लकडाउनमा खुकुलो गरेको दिन नै नयाँ कोरोना संक्रमित भेटिनेको संख्या घटेर १ हजार ६ सयमा झरेको छ। बिहिवार नयाँ भेटिएका कोरोना संक्रमितको संख्या घटेपछि पनि कोरोना भाइरस संक्रमितको संख्या ८० हजार भन्दा माथि पुगेको छ । जबकि ४ सय भन्दा बढीको ज्यान गएको छ ।

दिनदिनै बढ्दै गएको कोरोना भाइरसको महामारीले गर्दा साउदी अरेबियामा देशलाई नै लकडाउन गरेपछि बिहिवार एकै दिन नै नयाँ कोरोना संक्रमितको संख्यामा कमि देखिएको हो । बिहीबार १ हजार ६ सय ४४ जना नयाँ कोरोना संक्रमित मात्र भेटिए पनि बिहीबार सम्म कोरोना संक्रमितको संख्या ८० हजार १ सय ८५ जना पुगेका छन ।

बिहिवार एकैदिन थपिएका नयाँ कोरोना संक्रमित मध्ये साउदी अरेबियाको राजधानी रियादमा ६ सय ११, जद्दा ३ सय ६०, मक्कामा १ सय ४८, दम्माममा १ सय १, हुफुपमा ९१, मदिनामा ५०, खोबरमा ४६ जनागरि १ हजार ६ सय ४४ जना नयाँ संक्रमित भेटिएका हुन ।

साउदी अरेबियामा हजारौको संख्यामा कोरोना भाइरसको संक्रमित जति थपिन्छन् त्यो भन्दा बढी बिहिवार कोरोना संक्रमितहरु उपचारपछि निको भएका छन् । बिहीबार सम्म ५० हजार भन्दा बढी कोरोना संक्रमितहरु निको भइ घर फर्किएका छन ।

कोरोना भाइरसको संक्रमित रहेका मध्ये बिहीबार एकैदिन ३ हजार ५ सय ३१ जना उपचार पछि निको भएका छन् जबकि बिहीबारसम्म ५४ हजार ५ सय ५३ जना कोरोना संक्रमितहरु उपचार पछि निको भई घर फर्किएका साउदी स्वास्थ्य मंत्रालयले जनाएको छ ।