- सुन चाँदी दर
- विनिमय दर
- नेपाली पात्रो
- राशिफल
काठमाडौं । अमेरिकामा कोरोना भाइरस संक्रमितको संख्यामा अझै कमी आएको छैन । मंगलबार बिहानसम्म २२ हजार १५२ जना नयाँ संक्रमित थपिएका छन् ।
अहिलेसम्म अमेरिकामा कोरोना संक्रमिमत १८ लाख ५९ हजार ३२३ जना संक्रमित भएका छन् । मृतक १ लाख ६ हजार ९२५ जनाको ज्यान गएको छ ।
२४ घण्टामा मृतकको संख्या ७३० बढेको छ । मृतकको संख्यामा केही कमी आएको छ ।
६ लाख १५ हजार ४१६ जनालाई उपचारपछि निको भएको छ । सबैभन्दा बढी प्रभावित न्यूयोर्कमा ३ लाख ८० हजार ८२५ जना संक्रमित हुँदा मृतकको संख्या २९ हजार ९८८ पुगेको छ ।
दोस्रो स्थानको न्यूजर्सीमा १ लाख ६२ हजार ६४२ जना संक्रमित हुँदा मृतक ११ हजार ७३२ पुगेका छन् ।
रवाफ अन्तै जमाउँदै कोरोना भाइरसले
शीर्ष दुई स्थानका प्रभावित राज्यबाट बिस्तारै कोरोना अन्य राज्यमा बढी फैलिएको छ ।
मंगलबार बिहानसम्म २४ घण्टाको गति हेर्दा न्यूयोर्कमा ९२३ र न्यूजर्सीमा ८७८ जना संक्रमित हुँदा मासाचुसेट्मा मात्रै ३ हजार ८४० जना संक्रमित थपिएका छन् । त्यस्तै क्यालिफोर्नियामा संक्रमित २ हजार ५३५ पुगेका छन् ।
त्यस्तै टेक्सासमा १ हजार १३० जना संक्रमित थपिएका छन् । मृतक पनि अन्य राज्यमा बढेका छन् । मासाचुसेट्समा १८९ जना २४ घण्टामा थपिँदा न्यूयोर्कमा ७० तथा न्यूजर्सीमा २१ को मात्र भयो ।
क्यालिफोर्नियामा ४७ तथा ओहिओमा ५२ जनाको ज्यान गएको छ ।