बझाङमा दुई महिने शिशु सहित थप ८ जनामा कोरोना संक्रमण, ७२ पुगे

बझाङमा दुई महिने शिशु सहित थप ८ जनामा कोरोना संक्रमण, ७२ पुगे

हाम्राकुरा संवाददाता,

प्रकाशित २०७७ असार १३ शनिबार

बझाङ। बझाङमा शनिवार २ महिने शिशु सहित थप ८ जनामा कोरोनाको संक्रमण पुष्टि भएको छ । योसंगै जिल्ला भित्र कोरोना संक्रमितको संख्या ७२ पुगेको छ।

राष्ट्रिय जनस्वास्थ्य प्रयोगशाला टेकु र वीर अस्पतालको प्रयोगशालामा गरिएको पीसीआर परीक्षणमा बुङगल नगरपालिका वडा नं.१, ३ र ११ वडामा २ महिने शिशु सहित थप ६ जना र केदारस्यूँ गाउँपालिका २ र ३ मा थप दुई जना पुरुषमा गरि ८ जनामा कोरोना पुष्टी भएको हो । योसंगै बुंगल नगरपालिकामा ५६ जनामा कोरोना संक्रमण देखिएको छ ।

शुक्रबार मात्र केदारस्यूँ गाउँपालिकाका १० महिने शिशुमा कोरोना संक्रमण देखिएको थियो। हालसम्म बझाङ जिल्लाका ६ वटा स्थानीय तहमा कोरोनाको संक्रमण पुष्टी भएको छ।