दुबे सवार कार दुर्घटना भएपछि पुलिसको पेस्तोल खोसेर भाग्ने क्रममा प्रहरीले जवाफी कार्वाही गरी मार्यो
प्रकाशित २०७७ असार २६ शुक्रबार
324
Shares
काठमाडौं । भारतका ग्याङस्टर विकास दुबे मारिएका छन् । दुबेलाई लिएर प्रहरीले कानपुर लिएर जाँदैथियो । शुक्रबार बिहान एसटीएफको गाडी दुर्घटनाग्रस्त भएको हो । भारतीय संचारमाध्यमहरका अनुसार जो कार पल्टिएको छ त्यो कारमा विकास दुबे रहेका थिए ।
दुबेलाई बिहीबार प्रहरीले उज्जैनको महाकाल मन्दिरबाट गिरफ्तार गरेको थियो ।
आठ पुलिसको हत्या गरी फरार ग्याङस्टर विकास दुबेलाई प्रहरीले बिहीबार गिरफ्तार गरेको थियो । भारतस्थित कानपुरको बिकरुमा भएको शुटआउटको मुख्य आरोपी दुबे महाकाल मन्दिर दर्शन गर्न गएका प्रहरीले पक्राउ गरेको थियो ।
उत्तर प्रदेश पुलिसको टिमले दुबेलाई पछिल्लो ६ दिनदेखि खोजी गरिरहेको थियो ।
मन्दिरमा पुगेर विकास दुबे चिच्यायो, भन्यो – म विकास दुबे हुँ
मन्दिरको सुरक्षा टिमले संदिग्ध मानेर पक्राउ गरेको थियो । त्यसपछि महाकाल थाना पुलिसलाई सूचना दिएको थियो ।
भारतीय संचारमाध्यमहरुका अनुसार विकास दुबे मन्दिर पुगेर आफू विकास दुबे भएको बताउँदै चिच्याएको थियो । त्यसपछिमात्र सुरक्षाकर्मीले पक्राउ गरेको थियो ।
मध्यप्रदेशका गृहमन्त्री नरोत्तम मिश्राले दुबे पुलिस गिरफ्तारीमा रहेको बताए । उनले गिरफ्कतारी कसरी भएको भन्ने बारेमा बताउनु उपयुक्त नहुने बताएका छन् ।
दुबेलाई गिरफ्तार गर्न ३ थानाका पुलिस गत जुलाई २ तारिखमा बिकरु गाउँको दबिश गएका थिए । तर विकासको ग्याङले ८ सुरक्षाकर्मीको हत्या गरेको थियो ।
त्यसपछि निरन्तर पुलिसले खोजेको भए पनि दुबेलाई फेला पार्न सकेको थिएन ।
दुबेको नाममा ५ लाख भारु टाउकाको मोल तोकिएको थियो ।
