- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतको कश्मीरमा सत्तारुढ दल भारतीय जनता पार्टीका कार्यकर्तामाथि आतंकवादी आक्रमण जारी रहेको छ ।
एक महिनाको अवधिमा पाँच भाजपा कार्यकर्ताको ज्यान गएको छ । ६ जनामाथि आक्रमण भएकामा ५ को ज्यान गएको हो ।
एक जनाको अस्पतालमा गम्भीर अवस्थामा उपचार भइरहेको छ ।
पंचायतसंग जोडिएका राजनीतिक कार्यकर्ताहरुको हत्या भएको हो । घाटीमा मारिएका भाजपा कार्यकर्ताहरुमा २ जना सरपन्च, एक युवा नेता तथा उनका भाइ र बाबु हुन् ।
डरका कारण घाटीमा भाजपासंग जोडिएका ४० जनाले राजीनामा दिएर राजनीति छाड्ने घोषणा गरिसकेका छन् ।
उनीहरुले आफूहरु मर्न नचाहेको बताएका छन् । केन्द्र सरकारले यसलाई कसरी समाधान गर्छ भनी कश्मीरका भाजपाका कार्यकर्ताहरुले प्रतिक्षा गरिरहेका छन् ।
घाटीमा १ हजार २६७ पंच–सरपंच, ६८ बीडीसी काउन्सिल रहेको छ । यिनमा धेरैजसो भाजपाका कार्यकर्ता छन् ।