भारतमा ६१ दिनमा ४० हजार कोरोना संक्रमितको मृत्यु, यस्तो छ अवस्था
प्रकाशित २०७७ साउन ३२ आइतबार
389
Shares
काठमाडौं । भारतमा कोरोना भाइरसको महामारीबाट ज्यान गुमाउनेको संख्या ५० हजार नाघेको छ । शनिबार ९५१ जनाको ज्यान गएसंगै ज्यान गुमाउनेको संख्या ५० हजार ८४ पुगेको छ ।
पछिल्लो ६१ दिनमा मात्रै ४० हजारको ज्यान गएको हो । जबकि सुरुको ९७ दिनपछि मात्र १० हजारले ज्यान गुमाएका थिए ।
तीव्र गतिमा पछिल्ला दिनमा भारतको अवस्था भयावह बन्दै गएको हो ।
अहिलेसम्म संक्रमित हुनेको संख्या २५ लाख ८९ हजार २०८ पुगेको छ । शनिबार मात्रै ६३ हजार ९८६ जना संक्रमित थपिएका छन् ।
शनिबार ५३ हजार ११६ जनालाई निको भएको छ । अहिलेसम्म १८ लाख ६० हजार ६७२ जनालाई निको भएको छ । अहिले सक्रिय संक्रमित ६ लाख ७७ हजार ९६० जना रहेका छन् ।
कहाँ कतिको गयो ज्यान ?
महाराष्ट्रमा १९ हजार ७४९ जनाको ज्यान गएको छ । त्यस्तै तमिल नाडुमा ५ हजार ६४१, आन्ध्र प्रदेशमा २ हजार ५६२, कर्नाटकमा ३ हजार ८३२, दिल्लीमा ४ हजार १८८, उत्तर प्रदेशमा २ हजार ३९३, वेष्ट बंगालमा २ हजार ३७७ जनाको ज्यान गएको छ ।
