- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्वभर कोरोना भाइरसको महामारीपछि म्याक्सिन बनाएर त्यसलाई नियन्त्रण गर्ने प्रयासमा विकसित मुलुकहरु जुटिरहेका छन् ।
त्यसैगरी भारतले पनि परीक्षणलाई तीव्रता दिएको छ । भारतले तीन भ्याक्सिन अलग अलग ट्रायल स्टेजमा विकसित गरिरहेको छ ।
नीति आयोगका सदस्इ डा वीके पालका अनुसार बुधबारबाट एक भ्याक्सिन ट्रायलको तेस्रो चरणमा सामेल भएको छ ।
एक भ्याक्सिन पहिलो र अर्को भ्याक्सिन दोस्रो चरणमा रहेको छ ।
भारतमा कोरोना भाइरसका संक्रमितहरु बढिरहँदा भ्याक्सिनको महत्व अझै बढिरहेको छ । अहिलेसम्मकै सबैभन्दा बढी संक्रमित देखिएका छन् । बुधबार अहिलेसम्मकै सबैभन्दा बढी ६९ हजार १९६ जना संक्रमित थपिएका छन् ।
अहिलेसम्म कोरोना संक्रमितको संख्या २८ लाख ३५ हजार ८२२ पुगेको छ । हाल ६ लाख ८५ हजार २३१ जना सक्रिय संक्रमित रहेका छन् ।
बुधबार रेकर्ड ५९ हजार ३६५ जनालाई निको भएको छ । अहिलेसम्म २० लाख ९६ हजार ६८ जनालाई निको भएको छ ।
बुधबार ९७९ जनाको ज्यान गएको छ । अहिलेसम्म ज्यान जानेको संख्या ५३ हजार ९९४ पुगेको छ ।
सबैभन्दा बढी प्रभावित महाराष्ट्रमा बुधबार १३ हजार १६५ जना संक्रमित थपिँदा ३४६ जनाको ज्यान गएको छ । निको हुनेको संख्या ९ हजार ११ रहेको छ ।
तमिलनाडुमा ५ हजार ७९५ संक्रमित थपिँदा ११६ जनाको ज्यान गयो । राजधानी दिल्लीमा १ हर ३९८ जना संक्रमित थपिँदा ९ जनाको ज्यान गएको थियो ।