काठमाडौं । भारतीय नाकाबन्दीविरुद्ध नागरिकस्तरबाट स्वतस्फूर्तरुपमा संकलित एक लाख हस्ताक्षर संयुक्त राष्ट्रसंघलाई बुझाइएको छ । संकलित हस्ताक्षर बुधबार राष्ट्रसंघको नेपालस्थित कार्यालयमा बुझाइएको हो ।
ललितपुरमा रहेको राष्ट्रसंघको नेपाल सचिवालयमै पुगेर नागरिक अगुवाहरुले भारतीय नाकाबन्दीविरुद्ध संकलित हस्ताक्षर बुझाए । गएको कार्तिक २१ गते काठमाडौंका विभिन्न ६ ठाउँबाट एक दिनमै हस्ताक्षर संकलन भएको नागरिक अगुवाहरुले बताएका छन् ।
यसअघि, मंगलबार मात्रै अमेरिकामा बसोबास गर्ने गैरआवासीय नेपालीहरुले अमेरिकाको न्यूयोर्कस्थित राष्ट्रसंघको मूख्यालय अघि भारतीय नाकाबन्दीविरुद्ध प्रदर्शन गरेका थिए ।