-
-
-
-
काठमाडौं । भारतमा एकहप्तासम्म घट्दै आएका कारोना भाइरसका संक्रमित बुधबार फेरि बढेका छन् । एकहप्तापछि आँकडा ५० हजार भन्दा बढी पुगेको हो ।
बुधबार ५० हजार ४६५ जना संक्रमित थपिएका छन् । यसअघि २८ अक्टोबरमा ५० हजार १८८ जना देखिएका थिए । त्यसपछि निरन्तर घट्दै आएको थियो ।
त्यस्तै मृतक पनि दुई हप्तासम्म कम हुँदै आएकामा बुधबार ७०४ जनाको ज्यान गयो । २१ अक्टोबरमा ७०१ जनाको ज्यान गएको थियो ।
त्यसपछि निरन्तर कम हुँदै आएका थिए । हालसम्म भारतमा कोरोना संक्रमितको संख्या ८३ लाख ६३ हजार ४१२ पुगेको छ । सक्रिय संक्रमित भने घटिरहेका छन् ।
हाल सक्रिय संक्रमित ५ लाख २६ हजार ८०७ पुगेका छन् । बुधबार ५५ हजार ८७३ जना कोरोनामुक्त भएका छन् ।
अहिलेसम्म ७७ लाख १० हजार ६३० जना कोरोनामुक्त भएका छन् । बुधबार ७०४ जनाको ज्यान जाँदा अहिलेसम्म ज्यान गुमाउनेको संख्या १ लाख २४ हजार ३५४ पुगेको छ ।
