बेलायतमा एकै दिन करिब २३ हजार संक्रमित, पाँच सय एकको मृत्यु

बेलायतमा एकै दिन करिब २३ हजार संक्रमित, पाँच सय एकको मृत्यु

सिन्ह्वा,

प्रकाशित २०७७ मंसिर ५ शुक्रबार

लन्डन । बेलायतमा एकै दिन करिब २३ हजार जनामा कोरोना भाइरस संक्रमण पुष्टि भएको बताइएको छ । सरकारी स्रोतले उपलब्ध गराएको तथ्याङ्कमा बेलायतमा यही बिहीबार एकै दिन २२ हजार ९२५ जना कोरोनाका संक्रमित देखिएका बताइएको हो ।

यहाँका स्वास्थ्य अधिकारीका अनुसार बिहीबार थपिएका ती संक्रमितसहित यहाँ कोरोना संक्रमितहरुको सङख्या १४ लाखभन्दा बढी पुगेको छ । बिहीबार यहाँको स्वास्थ्य मन्त्रालयले सार्वजनिक गरेको तथ्याङ्कमा यहाँ संक्रमितहरुको सङ्ख्या १४ लाख ५३ हजार ९६७ जना पुगेको जनाइएको हो ।

बेलायतमा यसरी एकैदिन यति धेरै संक्रमित फेला पर्न थालेको पनि महिना दिनभन्दा पनि बढी भएको पनि स्वास्थ्य अधिकारीले जानकारी दिएका छन् । साथै यहाँ एकै दिनमा ५०१ जना संक्रमितको मृत्यु भएको बताइएको छ । यो सङ्ख्या बेलायतमा कोरोना संक्रमणबाट मृत्यु भएका व्यक्तिको सङ्ख्या ५३ हजार ७७५ पुगेको छ ।