-
-
-
-
नेपालगन्ज । बाँकेमा पनि कोरोना विरुद्ध खोप लगाउन सुरु गरिएको छ । स्वास्थ्य कार्यालय बाँकेले भेरी अस्पताल नेपालगन्जलाई कोरोना खोप हस्तान्तरण गरेपछि खोप लगाउन सुरु भएको थियो ।
जिल्ला समन्वय समितिका संयोजक अजयकुमार श्रीवास्तवले भेरी अस्पताल नेपालगन्जका मेडिकल सुपरिटेन्डेन्ट डा. प्रकाश थापालाई खोप हस्तान्तरण गरेका थिए। बाँकेमा पहिलो खोप मेसु थापाले लगाएका छन् ।
कार्यक्रममा बाँकेका प्रमुख जिल्ला अधिकारी रामबहादुर कुरुम्वाङ्ग, स्वास्थ्य कार्यालय प्रमुख धिरजंग शाह लगायतको उपस्थिति रहेको थियो । बाँकेमा पहिलो चरणमा ७ हजार ५ सय जनालाई पुग्ने गरी खोप आएको छ ।
