-
-
-
-
नेपालगन्ज । नेकपाको प्रचण्ड-नेपाल समूहले बिहीबार गरेको आम हडतालको नेपालगन्जमा सामान्य प्रभाव परेको छ। नेपालगन्जमा बन्दकर्ताहरुले जुलुससहित बन्द गराउँदै हिँडिरहेका छन् । बन्द गराउँदै हिडेपनि नेपालगन्जमा निजी सवारीसाधनहरू चलिरहेका छन् ।
जिल्ला ट्राफिक प्रहरी बाँकेका अनुसार लामो दुरीका सवारीसाधन भने चलेका छैनन् । नेपालगन्जदेखि कोहलपुरसम्म जिप तथा मोटरसाइकल चलेका छन् । नेपालगन्ज तथा कोहलपुरमा पसलहरू खुलेका छन् । काठमाडौँबाट आउने रात्रि बसहरू भने नेपालगन्ज भित्रिएका छन् ।
आम हडताल अहिलेसम्म सामान्य रहेकाले सवारीसाधन कुनै त्यस्तो अप्रिय घटना नभएको जिल्ला ट्राफिक बाँकेले जानकारी दिएको छ।बन्दमा कुनै घटना नहोस् भनेर बाँकेभर सुरक्षा व्यवस्था कडा पारिएको छ।
