काठमाडौं। रोमेलु लुकाकुको २ गोलको मदतले बेल्जियम आयरल्याण्ड बिरुद्ध जित निकाल्न सफल भएो छ। फ्रान्समा जारि युरो २०१६मा समुह 'ई'को समुह चरणको खेलमा बेल्जियमले आयरल्याण्डलाई ३-० गोलले पराजित गर्दै तीन अंक प्राप्त गरेको छ।
खेलको ४८औं मिनेटमा रोमेलु लुकाकुले गोल गर्दै बेल्जियमलाई अग्रता दिलाएका थिए। ६१औं मिनेटमा एक्सेल विटसेलले बेल्जियमकालागि दोस्रो गोल गरेका थिए भने लुकाकुले ७०औं मिनेटमा आफ्नो दोस्रो तथा बेल्जियमकालागि तेस्रो गोल गर्दै आफ्नो टोलीलाई जित दिलाएका थिए।
समुह 'ई'को अंकतालिाकमा ईटली २ खेलमा ६ अंककासाथ पहिलो स्थानमा रहेको छ भने बेल्जियम २ खेलमा तीन अंकका साथ दोस्रो स्थानमा रहेको छ। स्विडेन र आयरल्याण्ड २ खेलमा १-१ अंकका साथ क्रमश तेस्रो तथा चौथो स्थानमा रहेका छन्।