लोकतान्त्रिक शक्तिहरु ‘प्रचण्डपथ’को पछि दौडिरहेका छन् : ओली
हाम्रा कुरा
प्रकाशित २०७८ जेठ ९ आइतबार
1k
Shares
काठमाडौं । प्रधानमन्त्री एवम एमालेका अध्यक्ष केपी शर्मा ओलीले केही लोकतान्त्रिक शक्तिहरु ‘प्रचण्डपथ’को अंगिकार गर्न अग्रसर भएको बताएका छन् ।
ओलीले नेपाली कांग्रेसतर्फ इङ्गित गर्दै कांग्रेस प्रचण्डलाई गुरु थापेर उत्तेजना र आवेशमा अगाडी बढेको आरोप लगाए ।
आइतबार बालुवाटारमा पत्रकारसंग अन्तरक्रिया कार्यक्रमलाई सम्बोधन गर्दै ओलीले प्रधानमन्त्री बन्ने नाममा किर्ते सही गराउने खालको आवेश र उत्तेजनाको राजनीति गरेको पनि आरोप लगाए ।
‘प्रधानमन्त्री बन्ने नाममा किर्ते सही गराउने खालको आवेश र उत्तेजनाको राजनीति नगरौ भन्दै ओलीले भने,‘कांग्रेस सचेतक पुष्पा भुसालले भनेको सुनें, ओलीले गराएको चुनावमा भाग लिन्नौं ।’ यो कुन डेमोक्रेसीको कुरा पर्छ यो ?’ ओलीको प्रश्न थियो ।
अर्को प्रसंगमा ओलीले अहिले देशमा देखिएको कोरोना संक्रमणको ग्राफ केही दिनमा नै ओरालो लाग्ने दावी गरे । अहिले संक्रमण बढ्ने दरको ग्राफ लगतार बढ्नेबाट तेर्सोतिर लागेकाले केही दिनमा ओरालो लाग्ने दावी उनको दाबी थियो ।
