-
-
-
-
पोखरा । अविरल वर्षापछि बढेको खहरे खोलाले बगाउँदा कास्कीको माछापुच्छ्रे गाउँपालिका १ मा एक महिलाको मृत्यु भएको छ ।
मृत्यु हुनेमा वडा नं. १ टुसेकी ४० वर्षीया लिलादेवी परियार रहेकी छन् ।
मङ्गलवार राति करिब ८ः३० बजे उनलाई खोलाले बगाएको वडाध्यक्ष वीरेन्द्र गुरुङले जानकारी दिए ।
पहिरोका कारण कास्कीको माछापुच्छ्रे गाउँपालिका प्रवेश नाका सडक अवरुद्ध भएको छ । जसका कारण कृषिजन्य उत्पादन र खाद्यान्न ढुवानीमा समस्या भएको छ ।
