-
-
-
-
पोखरा । कास्कीमा बाघको आक्रमणबाट दुई जना युवा घाइते भएका छन् । रुपा गाउँपालिका वडा नं. ७ धारापानीमा बाघले आक्रमण गरेको हो ।
बाघको आक्रमणबाट स्थानीय ३४ वर्षीय तुलबहादुर गुरुङ र ३२ वर्षीय मिलन गुरुङ घाइते भएको कास्की प्रहरीले जनाएको छ ।
बारीमा घाँस काट्न जाने क्रममा तुलबहादुर गुरुङलाई बाघले आक्रमण गरेको र बाघको प्रतिकार गर्ने क्रममा मिलन गुरुङ घाइते भएको कास्की प्रहरी प्रवक्ता सुवास हमालले जानकारी दिए ।
घाइते दुवैको भिरचोक स्वास्थ्य चौकीमा उपचार भइरहेको छ । बाघ स्थानीय प्रतिकारमा मरेको डिएसपी हमालले बताए ।
