कास्कीमा संक्रमित ह्वात्तै बढे, आइतबार पनि शून्य मृतक

हाम्रा कुरा

प्रकाशित २०७८ असार २० आइतबार

पोखरा । कास्कीमा पछिल्लो २४ घण्टामा कोरोना संक्रमित बढेका छन् । शनिवार ५७ जना संक्रमित भेटिएको कास्कीमा आइतबार सो सङ्ख्यामा करिब तेब्बर बढेर १४९ जना भेटिए ।

कास्कीमा आइतबार पनि कुनै पनि कोरोना सङ्क्रमितको मृत्यु भएको छैन । कोरोना सङ्क्रमणबाट तीन दिनदेखि कास्कीका कुनै पनि नागरिकको मृत्यु नभएको तथ्याङ्कले उल्लेख गरेको छ ।

गण्डकीमा आइतबार तनहुँ र पर्वतका एक एक जना सङ्क्रमितको मृत्यु भएको छ । उनीहरू दुवैको उपचारको क्रममा पोखरा स्वास्थ्य विज्ञान प्रतिष्ठानमा मृत्यु भएको प्रदेश स्वास्थ्य आपत्कालीन कार्य सञ्चालन केन्द्रका संयोजक नवराज शर्माले जानकारी दिए ।