-
-
-
-
पोखरा । गण्डकी प्रदेशको राजधानी भएको जिल्ला कास्कीमा सोमवार पनि सक्रिय सङ्क्रमितको सङ्ख्या बढेको छ । गण्डकी प्रदेशमा निको हुने सङ्क्रमितको सङ्ख्या बढे पनि कास्कीमा सक्रिय सङ्क्रमितको सङ्ख्या बढेको छ ।
कास्कीमा सोमवार मात्रै २९ जना सक्रिय संक्रमित थपिएर ८४४ पुगेको छ । कास्कीमा आइतबार ८१५ र शनिवार ७२२ सक्रिय संक्रमित रहेको थियो ।
यसैबिच गण्डकी प्रदेशमा सोमवार एक सङ्क्रमितको मात्र मृत्यु भएको छ । मृत्यु हुनेमा नवलपरासी पूर्वका महिला रहेकी छन् ।
उनको चितवन मेडिकल कलेजमा मृत्यु भएको गण्डकी प्रदेश स्वास्थ्य आपत्कालीन कार्य सञ्चालन केन्द्रका संयोजक नवराज शर्माले जानकारी दिए ।
यस्तै, सोमवार कास्कीमा १२२ जनासहित गण्डकी प्रदेशमा २७७ जना संक्रमित थपिएका छन् भने ४२६ जना निको भएका छन् ।
