मानव अधिकारका पक्षमा लेख्ने पत्रकारलाई चीनले जेल हाल्यो, रिहाइ गर्न अन्तर्राष्ट्रिय पत्रकार महासङ्घको माग
हाम्रा कुरा
प्रकाशित २०७८ साउन २५ सोमबार
969
Shares
काठमाडौं। चीनको वी सर्कल नेटवर्कमा मानव अधिकार सम्बन्धी समाचार लेख्ने पत्रकार झोउ विलिनलाई चिनियाँ अधिकारीहरूले पक्राउ गरी करिब साढे ३ वर्ष जेल सजाय तोकेका छन् ।
मानवअधिकार दुरुपयोगको विषयमा उनले लेखेको समाचारको विषयलाई लिएर उनलाई जुलाई २९ मा पक्राउ गरिएको थियो ।
चिनियाँ कम्युनिस्ट पार्टी (सीसीपी)नेतृत्वको सरकारकाले खासगरी आफ्ना आलोचकहरूलाई झगडा उठाउने र समस्या भड्काउने कार्यमा दोषी देखाउँदै जेल हाल्ने गरेको छ ।
पत्रकार विलिनलाई पनि यसैमा दोषी देखाएर जेल हालिएको छ । यो विषयमा अन्तर्राष्ट्रिय पत्रकार महासङ्घ (आईएफजे)ले गम्भीर चिन्ता व्यक्त गर्दै पत्रकार विलिनको तत्काल रिहाइ गर्न माग गरेको छ ।
आईएफजेले एक विज्ञप्ति सार्वजनिक गर्दै पत्रकार विलिनको रिहाइको माग गरेको हो ।
यस्तै चीन सरकारलाई प्रेस लक्षित कानुन हटाउन एवं अभिव्यक्ति स्वतन्त्रताको रक्षा गर्न समेत आईएफजेले माग गरेको छ ।
