-
-
-
-
पोखरा । घरको छतबाट खसेर पोखरामा एक जनाको मृत्यु भएको छ ।
मृत्यु हुनेमा पोखरा महानगरपालिका वडा नं. १६ लामा चौरका ४० वर्षका शङ्कर थापा रहेका छन् ।
गण्डकी प्रदेश प्रहरी कार्यालय पोखराले जनाए अनुसार पोखराको गण्डकी बोर्डिङ स्कुलको स्टाफ क्वाटरको छतबाट खसेर थापाको मृत्यु भएको हो ।
थापा स्कुलको मर्मत शाखामा कार्यरत थिए । स्कुलको क्वाटरको छतमा प्रयोग गरिएको टिन मर्मत गर्ने क्रममा खसेर थापा गम्भीर घाइते भएका थिए ।
उनको उपचारको क्रममा पोखराको फिस्टेल हस्पिटल मृत्यु भएको प्रहरी वरिष्ठ उपरीक्षक मोहन बहादुर थापाले जानकारी दिए ।
