-
-
-
-
पोखरा । पोखरामा खोलाले बगाउँदा एक जनाको मृत्यु भएको छ । मृत्यु हुनेमा पोखरा महानगरपालिका वडा नं. ३१ खुदीका ५० वर्षका धनबहादुर गुरुङ रहेका छन् ।
जिल्ला प्रहरी कार्यालय कास्कीका अनुसार गुरुङलाई माछा मार्नेक्रममा पोखरा २९ स्थित बरुवा खोलाले बगाएको हो । उनलाई खोलाले बगाएर बेपत्ता भएको भन्ने खबर पाउनासाथ इलाका प्रहरी कार्यालय डाँडाकोनाकबाट खटिएको प्रहरी नायव उपरीक्षक (डिएसपी) महेन्द्र प्रसाद मरासिनीको नेतृत्वको टोलीले खोजी गर्ने क्रममा मृत फेला पारेको हो ।
उनलाई बगाएको स्थानभन्दा पाँच किमि तल मुसेटुँडामा फेला पारेको कास्की प्रहरी प्रवक्ता सुवास हमालले जानकारी दिए ।
