युभेन्टस छाडेका क्रिष्टियानो रोनाल्डो म्यानचेस्टर युनाइटेड जाने पक्का

हाम्रा कुरा

प्रकाशित २०७८ भदौ ११ शुक्रबार

काठमाडौं। फुटबल स्टार क्रिस्टियानो रोनाल्डो ईङलिश क्लब म्यानचेस्टर युनाईटेड जाने पक्का भएको छ। युभेन्टस छाडेको सार्वजनिक भएपछि उनी इङलिश क्लब म्यानचेस्टर सिटी जाने हल्ला चलेको थियो।

म्यानचेस्टर युनाईटेडको आधिकारिक ट्विटर ह्याण्डलमा क्रिस्टियानो 'घरमा स्वागत छ, रोनाल्डो' लेखे पछि उनी युनाइटेड जाने पक्का भएको हो। प्रिमियर लिगको आधिकारिक ट्विटर ह्याण्डलले पनि क्रिष्टियानो युनाइटेड आउने पक्का भएको जनाएको छ।

उनको युनाइटेड आउने पक्का हुनु अघि युभेन्टस र युनाइटेडबीच कुराकानी भएको जनाइएको छ। सर एलेक्स फर्गुसनले क्रिष्टियानोलाई युनाइटेड फर्काउन महत्वपुर्ण भुमिका खेलेको बताइएको छ। १२ वर्ष पछि क्रिष्टियानो युनाइटेड फर्किएका हुन्। उनको मेडिकल र फिटनेस जाँच चाँडै हुने पनि बताइएको छ।