-
-
-
-
पोखरा । कास्कीको पोखरामा एक महिलाले प्रशंसनीय काम गरेकी छिन् । उनले बाटोमा भेट्टाएको रकम प्रहरीलाई बुझाएकी छिन् ।
ती महिला हुन् पोखरा महानगरपालिका वडा नं ६ शान्तिपथकी सृजना बराल । उनले गत साउन १८ गते साँझ ६ः३० बजे हिंड्दै गर्दा बाटोमा ५० हजार रुपैयाँ भेट्टाएकी थिइन् ।
उक्त रकम उनले भदौ ३० गते रेडियो अन्नपूर्णका प्रतिनिधिको रोहबरमा जिल्ला प्रहरी कार्यालय कास्कीलाई बुझाएकी छिन् ।
उक्त रकम सम्बन्धित व्यक्तिले प्रमाणसहित लिन आउन कास्की प्रहरीले आग्रह गरेको छ । उक्त रकम स्कुटरबाट खसेको भन्ने बुझिएको कास्की प्रहरीले जनाएको छ ।
