-
-
-
-
पोखरा । पोखरा महानगरपालिका वडा नं. ३०, ढुङ्गेपाटनस्थित त्रिभुवन शान्ति माविको निर्माणाधीन भवनमा एक जना पुरुष मृत फेला परेका छन् ।
ती पुरुष धनुषाको जनकपुर उप-महानगरपालिका वडा नं. १८ का ७० वर्षीय शोगारथ मन्डल रहेको प्रहरीले जनाएको छ । उनको मृत्युको कारण भने खुल्न सकेको छैन ।
यस विषयमा अनुसन्धान शुरु गरिएको गण्डकी प्रदेश प्रहरी कार्यालय पोखराले जनाएको छ । आइतबार निर्माणाधीन स्कूलको भवनमा आफू बस्न बनाएको कोठा भन्दा अन्दाजी १५ मिटर उत्तरतर्फ रहेको ट्वाइलेटमा उनी मृत अवस्थामा फेला परेको प्रहरीले जनाएको छ ।
