-
-
-
-
हुम्ला । मुगुको सदरमुकाम गमगढीमा भीषण आगलागी भएको छ । सोमबार राति भएको उक्त आगलागीबाट गमगढी बजारका २१ घर जलेर नष्ट भएका छन् ।
मुगुको छायानाथ रारा नगरपालिका–१ गमगढी बजारमा सोमबार राति साढे १२ बजेतिर आगलागी भएको हो । आगलागी भएपछि उक्त आगो निभाउन निकै नै समस्या भएको थियो ।
रातिमा भएको आगलागी भए पनि मानवीय क्षति भने हुन पाएन ।
आगलागीबाट करोडौंको सम्पत्ति क्षति भएको छ । यकिन विवरण आउन अझै बाँकी छ ।
