-
-
-
-
काठमाडौं । लामो समयको संवाद र बहसपछि प्रदेश नं २ को नाम र राजधानी टुङ्गो लागेपछि मधेस प्रदेशमा मंगलबार सार्वजनिक बिदा हुने भएको छ। प्रदेश नं २ को स्थायी राजधानी जनकपुरधाम र नाम मधेश प्रदेश भएको खुसीयालीमा प्रदेशमा मंगलबार सार्वजनिक बिदा हुने भएको हो ।
जनकपुरधामसहित प्रदेश २ को आठ वटै जिल्लामा दीप प्रज्वलन भएको छ । जनता समाजवादी, माओवादी केन्द्र र लोकतान्त्रिक पार्टीका नेता कार्यकर्ताहरूको अगुवाइमा जनकपुरधामसहित मुख्य सहरहरूमा दीप प्रज्वलन भएको छ ।
चार वर्षपछि भए पनि प्रदेशको नाम र राजधानी टुङ्गो लगाएकामा खुसी भएका स्थानीयवासीले समेत घरघरमा दीपावली गरेका छन् ।
