-
-
-
-
झापा । झापामा जारी पाँचौँ झापा गोल्डकपको उपाधि त्रिभुवन आर्मीले जितेको छ । घरेलु मैदानमा भएको फाइनल खेलमा झापा ११ लाई २-१ ले पराजित गर्दै आर्मी विजयी बनेको हो ।
झापाको बिर्तामोड स्थित डोमालाल राजवंशी रङ्गशालामा दिउँसो २:३०देखि भएको खेलमा झापा ११ लाई २-१ ले पछि पार्दै आर्मीले खेलको उपाधि सुरक्षित गर्न सफल भएको छ ।
घरेलु टोली झापा ११ फुटबल क्लब नेपाल आइस पाँचौँ झापा गोल्डकप फुटबल प्रतिस्पर्धामा शनिवार ए डिभिजन सङ्कटा क्लबलाई २-० ले हराउँदै फाइनल प्रवेश गरेको थियो ।
त्यस्तै सात दोबाटो यूथ क्लबलाई ४-१ ले हराउँदै आर्मी फाइनल प्रवेश गरेको थियो । आज सम्पन्न प्रतियोगिताको फाइनल खेलको विजयी आर्मीले नगद रु १२ लाख ५५ हजार र उपविजेता झापा-११ ले रु ६ लाख ५ हजार हात पारेको छ ।
