-
-
-
-
काठमाडौं । निर्वाचन आयोगले स्थानीय तहको आगामी बैशाख ३० गते एकै चरणमा हुन गइरहेको निर्वाचनका लागि आचारसंहिताको कार्यान्वयन सम्बन्धमा दलहरुलाई आह्वान गरेको छ ।
आयोगले राजनीतिक दलहरूबाट प्रतिबद्धता लिनका लागि मंगलबार आयोगमा बोलाएको छ । आयोगले आचारसंहिताको प्रभावकारी कार्यान्वयन सम्बन्धमा दलहरूसँग चैत २२ गते छलफल गर्ने भएको हो ।
आयोगले गत चैत ३ गते स्थानीय निर्वाचन आचारसंहिता स्वीकृत गरी राजपत्रमा प्रकाशित गरिसकेको छ । आयोगका अनुसार स्थानीय निर्वाचनमा भाग लिन दर्ता भएका ७९ दलबाट आयोगले आचारसंहिताको पालनाका लागि प्रतिबद्धता लिन लागेको हो ।
