सबै स्थानीय तहका सबै पदमा नाम माग्ने, भागमा परेको पदमामात्र उम्मेदवारी

सबै स्थानीय तहका सबै पदमा नाम माग्ने, भागमा परेको पदमामात्र उम्मेदवारी –नेकपा एस

हाम्रा कुरा

प्रकाशित २०७८ चैत २७ आइतबार

काठमाडौं । नेकपा एकीकृत समाजवादीले स्थानीय तह निर्वाचनका लागि सबै स्थानीय तहबाट उम्मेद्वारको नाम माग्ने भएको छ । पार्टीको २० औं केन्द्रीय सचिवालय बैठकले आगामी बैशाख ३० गते हुने स्थानीय तह निर्वाचनका लागि सबै स्थानीय तहबाट पार्टीको तर्फबाट उम्मेदवारको नाम माग्ने निर्णय गरेको हो ।

तर, उम्मेद्वारी भने गठबन्धनबाट आफ्नो भागमा परेको स्थानीय तहबाट मात्र दिने भएको हो । गठबन्धन गर्दा आफ्नो भागमा परेको स्थानीय तहबाट मात्र उम्मेदवारी दिने निर्णय पार्टीको सचिवालय बैठकले गरेको हो ।

‘गठबन्धन गर्दा हामीले पाएको स्थानमा सिफारिस भई आएका नाममध्येबाट उम्मेदवार चयन गरिने छ, अन्य दललाई परेका स्थानमा हाम्रा उम्मेदवार रहने छैनन्’, पार्टी सचिवालय बैठकको निर्णयमा उल्लेख छ ।