गठबन्धनबीच महानगरपालिकाको सहमतिः तीन वटा कांग्रेस र एक

गठबन्धनबीच महानगरपालिकाको सहमतिः तीन वटा कांग्रेस र एक–एक वटा माओवादी, समाजवादी र जसपालाई

हाम्रा कुरा

प्रकाशित २०७९ वैशाख ६ मंगलबार

gathabandhan baithak-balwatar.jpg — तस्बिर– फाइल

काठमाडौं । सत्तारुढ दलहरु महानगरपालिकाको भागबण्डा गर्ने विषयमा सहमतिमा पुगेका छन् । मंगलबार बालुवाटारमा बसेको सत्तारुढ दलको बैठकमा सो सहमति जुटेको हो ।

सहमति अनुसार देशका ६ वटा महानगरपालिकामध्ये तीन वटा नेपाली कांग्रेस र एक-एक वटा नेकपा माओवादी केन्द्र, नेकपा एकीकृत समाजवादी र जनता समाजवादी पार्टी जसपाको भागमा परेको छ ।

बैठकमा सहभागी एक नेताका अनुसार कांग्रेसको भागमा काठमाडौं, ललितपुर र विराटनगर महानगरपालिका परेको छ । यस्तै, माओवादी केन्द्रको भागमा भरतपुर, एकीकृत समाजवादीको भागमा पोखरा र जनता समाजवादी पार्टीको भागमा वीरगञ्ज महानगरपालिका परेको छ ।