ठयाक्कै उम्मेदवारको संख्या दिन आयोगलाई समय लाग्ने, नामावली रुजु जारी

हाम्रा कुरा

प्रकाशित २०७९ वैशाख १३ मंगलबार

काठमाडौं । स्थानीय तह निर्वाचनअन्तर्गत निर्वाचन आयोगले मनोनयन दर्ता गर्नेहरूको नामावली विवरण रुजु गरिरहेको छ । निर्वाचन कार्यतालिका अनुसार त मनोनयन दर्ता सकिएकै दिन रुजु गरिसकेर मनोनयन दर्ता गर्नेहरूको नामावली पनि सार्वजनिक हुनुपर्ने हो ।

तर, अझैसम्म मनोनयन दर्ता गराउनेहरूको नामावली विवरण रुजु भइसकेको छैन । आयोगले अझै समय लाग्ने जनाएको छ । मनोनयन दर्ता भने आइतबार र सोमबार भएको थियो ।

आयोगले मनोनयन दर्ता सकिएकै दिन नामावली सार्वजनिक गर्न भनेर यस पटक दुई दिन समय लिएको दाबी गरेको थियो । जबकि अघिल्ला निर्वाचनहरूमा मनोनयन दर्ताको समय एक दिन तोकिने गरिएको थियो ।