-
-
-
-
काठमाडौं । १३ औं दक्षिण एसियाली खेलकुद सागकी स्वर्ण पदकधारी भारोत्तोलन खेलाडी सन्जु चौधरी मृत भेटिएकी छिन् । नेपाल भारोत्तोलन संघका अध्यक्ष रामकृष्ण श्रेष्ठ (बोस) का अनुसार सन्जु ललितपुरको लुभुस्थित भारोत्तोलन प्रशिक्षक संजय महर्जनको घरमा मृत भेटिएकी हुन् ।
बाँकेकी सन्जुले १३ औं सागमा महिला ५९ केजी तौल समूहमा श्रीलंकाका खेलाडीलाई पछि पार्दै स्वर्ण जितेकी थिइन् । प्रशिक्षक महर्जनको घरमा बस्दै आएकी सन्जु बिहान झुन्डिएको अवस्थामा फेला परेकी हुन् । प्रशिक्षक महर्जनको घरमा आयोजित जात्राको भोजमा सामान्य अवस्थामा सामेल भएकी सन्जु बिहान मृत भेटिएकी हुन् ।
प्रारम्भिक अनुसन्धानमा उनले आत्महत्या गरेको देखिएको भए पनि अनुसन्धानपछि थप जानकारी आउने प्रहरीले बताएको छ ।
चीनमा आयोजना हुने १९ औं एसियाली खेलकुदका लागि बन्द प्रशिक्षणमा सामेल हुन सन्जु काठमाडौं आएकी थिइन् । एसियाली खेलकुद भने सन् २०२३ सम्मका लागि सरेको छ ।
