-
-
-
-
काठमाडौं । स्थानीय तह निर्वाचनका लागि करिब एक हप्ता विद्यालय बन्द हुने भएको छ । निर्वाचन र अन्य सार्वजनिक बिदा कारण विद्यालय ६ दिन सम्म बन्द हुने भएको हो ।
शुक्रवार हुने स्थानीय तह निर्वाचनको लागि आज बुधवारदेखि विद्यालय बन्द भएका छन् । धेरैजसो विद्यालयहरूमा मतदान केन्द्र राखिएको छ । शिक्षकहरू निर्वाचनमा खटिएकाले पनि आजबाट विद्यालयहरू बन्द गरिएको छ ।
नेपाल सरकाले भने निर्वाचनका दिन ३० गते सार्वजनिक बिदा दिएको छ । ३१ गते शनिवार परेको छ भने १ गते आइतबार पनि बिदा हुने भएको छ ।
जेष्ठ १ देखि शनिवार र आइतबार हप्तामा दुई दिन बिदा दिने सरकारले निर्णय गरेको छ । जेठ २ गते सोमबार बुद्ध जयन्तीमा पनि सार्वजनिक बिदा परेको छ ।
