-
-
-
-
काठमाडौं । विश्व नम्बर एक पोलिस खेलाडी इगा स्वेटेकले फ्रेन्च ओपन टेनिसको उपाधि जितेकी छिन् । पेरिसमा शनिबार भएको फाइनलमा अमेरिकन खेलाडी कोको गाउफलाई हराउँदै इगाले उपाधि जितेकी हुन् ।
२१ वर्षे इगाले १८ वर्षे कोकोलाई ६–१ र ६–३ को सोझो सेटमा पराजित गरिन् । सन् २०२० मा पनि फ्रेन्च ओपन जितेकी इगाको यो दोस्रो उपाधि हो ।
लगातार जीत संख्यालाई ३५ पुर्याएकी इगाले अमेरिकन खेलाडी सेरेना विलियम्सको बराबरी गरेकी छिन् ।
पुरुषततर्फको फाइनलमा सर्वाधिक सफल स्पेनिश खेलाडी रफाइल नदाल र नर्वेजियन टेनिस स्टार कास्पर रुड भिड्ने भएका छन् ।
