रोम । इटालीमा बुधबार बिहान गएको ६ दशमलव २ म्याग्नेच्यूडको शक्तिशाली भूकम्पमा परी मृत्यु हुनेको संख्या १५९ पुगेको छ ।
अझै सय जना भग्नावशेषमा पुरिएको स्थानीय अधिकारीलाई उधृत गर्दै डेलीमेलले जनाएको छ ।
पुरिएकामध्ये केहीलाई जिवितै उद्दार गरिएको बीबीसीले जनाएको छ ।
भग्नावशेषबाट १७ घण्टापछि एक आठ वर्षीया बालिकालाई जीवितै उद्धार गरिएको छ ।
भूकम्पमा परी कम्तीमा चार सय जनाको संख्यामा घाइते भएका छन् ।
मध्य इटालीमा निकै वर्ष पुराना घरहरु रहेकाले ती घर ध्वस्त भएका हुन् । उद्दार जारी रहेको जनाइएको छ ।
