-
-
-
-
काठमाडौं । कास्कीको लुम्ले क्षेत्रमा बढी पहिरो जान सक्ने भन्दै मौसम पूर्वानुमान महाशाखाले उच्च सतर्कता अपनाउन आग्रह गरेको छ ।
लुम्ले क्षेत्र धेरै पानी पर्ने मध्येको एक हो । शनिवार राती देखि यो क्षेत्रमा भारी वर्षा भइरहेको छ ।
यस क्षेत्रमा १२ घण्टामा १२२ मिलिमिटर पानी परेको छ । पानी हालसम्म निरन्तर परी रहेकाले थप सतह बढ्ने महाशाखाले जनाएको छ ।
महाशाखाले १२ घण्टाको अवधिमा १२० मिलिमिटर भन्दा बढी पानी परेमा उच्च खतराको अवस्थालाई मान्ने गरेको छ ।
सोही अनुसार आइतबार बिहानै महाशाखाले सूचना जारी गर्दे उच्च सतर्कता अपनाउन आग्रह गरेको हो ।
